Line separator

VHEMBE

BIOSPHERE 

Vhembe Biosphere Reserve (VBR) yi kumeka eka swifundzha-ntsongo leswi nga en'walungwini wa Xifundzha-Nkulu xa Limpopo e-Africa Dzonga. Xifundzha-Ntsongo xa Vhembe xikan'we na Masipala wa Blouberg lowu nga hansi ka Xifundzha-Ntsongo xa Capricorn swi humelerise mindzelakani ya VBR.  Madoroba lawa ya kumekaka eka VBR ya katsa Makhado, Thohoyandou, Musina, Malamulele na Blouberg.

VBR yi seketela, ku hlohlotele na ku tirhisana na miganga, swiyenge swa ndhavuku, tiyunivhesiti, mfumo wa miganga, mfumo wa swifundzha na mfumo wa le xikarhi, hi ku tirhisa tindlela ta vutihlamuleri na ku hluvukisa ku yisa emahlweni hi xikongomelo xo vuyerisa vanhu hinkwavo na mbango.- Munhu na Ntumbuluku. 

Xikongomelo-nkulu xa VBR i ku humelerisa xivono xa ku hluvukisa ndzhawu loko hi le tlhelo yi hlayisa mbango na mfuwo ku yisa emahlweni. VBR yi le hansi ka vulawuri by Huvo ya Vufambisi le yi nga hlawuriwa hi xidimokirasi ehansi ka nhlangano lowu nga ri ku wa xibindzu lowu tirhisanaka swinene na Ndzuwulo ya Nhluvukiso wa swa Ikhonomi, Mbango na Vupfhumba ya Xifundzha-Nkulu xa Limpopo xikan'we na Ndzawulo ya Mbango, Swihlahla na Tinhlampfi, leyi nga na vutihlamuleri bya swa migingiriko ya Vuhlayiseki bya Mbango e-Africa-Dzongo.

 


 

Xana VBR yi nga ku pfuna hi yini?

VBR yi pfuna ku tisa na kutiyisisa nkongometo, ku tirhisana na ku hlangana eka swa mbango, hi hlohlotela ku handziwa ka vutivi na vuxokoxoko, xikan'we na ku hlayisa vutivi bya swa xintu hi ku tirhisa thekinoloji leyi faneleke hi xikongomelo xa ku vuyerisa swiyenge hi nkwaswo leswi khumbhekaka hi migingiriko ya VBR.  Hi hlohlotela ku tsakela na ku nghenelela eka migingiriko ya ku hlayisa mbango hi swrho swa mapfhumba ya hina, loko hi ri karhi hi antswisa vutomi bya vanhu laha ka VBR hi ku tumbuluxa mapfhumba na tindlela ta mintirho, ku tlakusa na ku hluvukisa vanhu na ikhonomi na hi minongonoko ya tidyondzo, vuleteri, ku nyikiwa ka vutivi na vuswikoti. Hi hlohlotela hi ndlela ya xiyimo xa le henhla ku tinghenelerisa eka ku tirha kun'we exikarhi ka swiyenge swa vaaki, swiyenge swa mfumo na swa mabindzu ku hlohlotela migingiriko ya VBR emigangeni, exifundzheni na le ka mfumo wa le xikarhi. 

Xana u nga yi pfuna njhani VBR?

 

U nga va u ri munhu loyi a tiyimelaka, nhlangano wa vaaki, nhlangano lowu nga ri ku wa xibindzu, xiyenge xa swa ndhavuko, xikolo kumbe muaka-tiko la khumbekaka, hi lava ku twa ku suka eka wena.

Tshikelela laha ku vona xin'wani xa swikombiso swa mapfhumba lama hi nga ya pfuna nkari lowu hundzeke.

 


 

HA KUMEKA EKA SWA VUHANGALASI BYA TIMHAKA